حمدالله محب، مشاور امنیت ملی، صبح امروز دوشنبه (۲۷جوزا) در یک سفر دو روزه، به شهر اوفای جمهوری فدراتیف روسیه رفت.
دفتر شورای امنیت ملی، در خبرنامه‌ای گفته است که آقای محب، به دعوت رسمی نیکولای پاتروشف، دبیر شورای امنیت روسیه به این کشور سفر کرده است.
در خبرنامه آمده است که آقای محب در این سفر، در دهمین نشست سالانه‌ی نمایندگان ارشد امنیتی شرکت خواهد کرد که به نمایندگی از حکومت افغانستان، روی موضوع امنیت افغانستان و منطقه سخنرانی می‌کند.
دهمین نشست سالانه‌ی نمایندگان ارشد امنیتی، از ۱۸ تا ۲۰ ماه جون، در شهر اوفای روسیه برگزار خواهد شد.
