بانک مرکزی حکومت سرپرست طالبان، می‌گوید که شانزدهمین بسته‌ی نقدی کمک‌های بشردوستانه به افغانستان رسیده است.
در خبرنامه‌ای که روز دوشنبه -۲ حوت-، از سوی این بانک به نشر رسیده، آمده که در ادامه‌ی کمک‌های نقدی بشردوستانه، ۳۲ میلیون دالر امریکایی به کابل رسیده است.
بانک مرکزی، گفته است که این مقدار پول به بانک بین‌المللی افغانستان تحویل داده شده است.
این بانک از کشورهای کمک‌رسان، هم‌چنان خواسته است که در زمینه‌ی تسهیل مراودات بانکی نیز، با مردم افغانستان هم‌کاری کنند.
