افغانستان و تاجیکستان پنج تفاهم‌نامه‌ی همکاری امضا کردند

صبح کابل
افغانستان و تاجیکستان پنج تفاهم‌نامه‌ی همکاری امضا کردند

مقام‌های افغانستان و تاجیکستان، پنج تفاهم‌نامه‌ی همکاری را در بخش‌های مختلف امضا کردند.

ارگ ریاست‌جمهوری، روز دوشنبه (۹ حمل)، در اعلامیه‌ای گفته است که با حضور رییس‌جمهور غنی و امام‌علی رحمان، همتای تاجیکستانی او، پنج تفاهم‌نامه‌ی همکاری و یادداشت تفاهم در زمینه‌های مختلف به امضا رسیده است.

این تفاهمنامه‌ها و یادداشت‌های همکاری در بخش‌های سیاسی، امنیتی، اقتصادی، ترانسپورتی، ترانزیتی، انرژی و فرهنگی میان مسئولان دو کشور امضا شده است.

ارگ ریاست‌جمهوری، گفته است که روسای جمهور دو کشور، اعلامیه‌ی مشترک نشست دوجانبه افغانستان و تاجیکستان را نیز امضا کرده‌اند.

رییس‌جمهور غنی، صبح روز دوشنبه (۹ حمل) در راس هیئت بلندرتبه‌ی دولتی در یک سفر رسمی دو روزه، به منظور شرکت در نهمین نشست وزیران خارجه قلب آسیا – پروسه استانبول، به تاجیکستان رفت.

0 0 رای ها
امتیازدهی به مقاله
0
افکار شما را دوست داریم، لطفا نظر دهید.x
()
x