امام‌علی رحمان: وضعیت در مرز تاجیکستان و افغانستان هر روز پیچیده‌تر می‌شود

صبح کابل
امام‌علی رحمان: وضعیت در مرز تاجیکستان و افغانستان هر روز پیچیده‌تر می‌شود

امام‌علی رحمان، رییس‌جمهور تاجیکستان از حضور بیش از شش هزار جنگ‌جو در شمال‌شرق افغانستان خبر داده و گفته است که وضعیت در مرز تاجیکستان و افغانستان با گذشت هر روز پیچیده‌تر می‌شود.

آقای رحمان که روز گذشته –دوشنبه، ۲۰ جدی-، در نشست فوق‌العاده‌ی سازمان پیمان امنیت جمعی در مورد ناآرامی‌های قزاقستان صحبت می‌کرد، گفت که در حال حاضر بیش از ۴۰ کمپ و مرکز آموزش تروریست‌ها در ولایت‌های شمال‌شرقی افغانستان که به گونه‌ی مجموعی بیش از شش هزار شبه‌نظامی می‌شود.

به نقل از خبرگزاری تاس روسیه، رییس‌جمهور تاجیکستان، گفته است که باید یک  کمربند امنیتی در اطراف افغانستان ایجاد شود؛ زیرا او، گفته است که هرزگاهی درگیری‌های درونی طالبان نیز در امتداد مرز اتفاق می‌افتد.

بر اساس معلومات، امام‌علی رحمان، در جریان هفته‌ی گذشته، بیش از ۱۱ نفر از جنگ‌جویان طالبان در بخشی از مرز کشته و ۱۸ تن دیگر شان زخم برداشته اند.

با این حال، گروه طالبان به حرف‌های رییس‌جمهور تاجیکستان واکنش نشان داده و موجودیت فعالیت‌های تخریب‌کارانه در مرز افغانستان و تاجیکستان را رد کرده است.

این گروه طالبان، اطمینان داده که همه‌ی مرزهای افغانستان مصوون است و هیچ تهدیدی از جانب افغانستان متوجه کشورها از جمله تاجیکستان نیست.

در اعلامیه‌ی طالبان، آمده است که برخی از حلقات و افراد معرض و فراری در تلاش انتقال معلومات نادرست به کشورهای همسایه و جهان استند.

0 0 رای ها
امتیازدهی به مقاله
0
افکار شما را دوست داریم، لطفا نظر دهید.x
()
x