مشاور امنیت ملی افغانستان، در دیدار با رییس ستاد ارتش پاکستان، در مورد روند صلح و مبارزه با تروریسم گفت‌وگو کرده است.
دفتر مطبوعاتی شورای امنیت ملی، در برگه‌ی تویتر خود نگاشته است که هیات بلند رتبه‌ی دولتی به رهبری حمدالله محب، با جنرال قمر باجوا، رییس ستاد ارتش پارکستان دیدار و گفت‌وگو کرده است.
این دیدار، در شهر راولپندی بوده و در آن، درباره‌ی روند صلح افغانستان، مبارزه با تروریسم و همکاری‌های اقتصادی منطقه‌ای گفت‌وگو شده است.
حمدالله محب مشاور امنیت ملی و مسعود اندرابی سرپرست وزارت داخله، روز گذشته (سه‌شنبه ۷ جوزا) به دعوت رسمی جنرال قمر باجوا، به پاکستان رفتند.
