نیروهای ارتش ۱۶ فرد کلیدی طالبان را در ولایت بادغیس کشتند

صبح کابل
نیروهای ارتش ۱۶ فرد کلیدی طالبان را در ولایت بادغیس کشتند

نیروهای ارتش با راه‌اندازی عملیاتی در مربوطات ولسوالی غورماچ ولایت بادغیس، تلفات سنگینی به هراس‌افگنان طالب وارد کرده‌اند.
وزارت دفاع، با نشر خبرنامه‌ای گفته است که در جریان این عملیات،۱۶ تن از افراد کلیدی هراس‌افگنان طالب با ۱۰ تن از همراهان‌شان کشته شده‌اند و ۱۶ هراس‌افگن دیگر زخم برداشته‌اند.
در خبرنامه آمده است: «حاجی ملا، مسؤول کمیسیون نظامی طالبان، ملا تورجان قوماندان، قاری سورگل قوماندان، قاری رحم‌الدین قوماندان، قاری حبیب‌الله قوماندان، غلام سرور سرگروپ، گل محمد قوماندان، نورمحمد سرگروپ، سیداگل سرگروپ، عبدالخالد، قوماندان محلی، سردار، سرگروپ ۳۰ نفری، ملاستار قوماندان، ملا عبدالرحیم قوماندان، ملا عبدالرؤوف، قوماندان محلی، یارمحمد سرگروپ و ملا عوض، سرگروپ طالبان در این عملیات کشته شده‌اند.»
وزارت دفاع گفته است که عملیات، تا پاک‌سازی کامل ولسوالی غورماچ از وجود هراس‌افگنان طالب، ادامه خواهد یافت.