چند روز پس از تعطیلشدن مکاتب خصوصی و دولتی در افغانستان، وزارت معارف، اعلام کرده است که بررسیهای تیم نظارتی و ارزیابی ریاست معارف در شهر کابل، نشان میدهد که 235 مکتب خصوصی، دست به تخطی زده اند.
در اعلامیهای که روز (چهارشنبه، 12 قوس)، از سوی این وزارت منتشر شده، آمده است که این تخطیها شامل: «عدم نداشتن سیستم تسخین صنوف، اخذ مکمل فیس برج قوس، اخذ امتحان پیش از موقع خلاف فیصلهی رهبری وزارت، رخصتکردن شاگردان پیش از موعد فیصله شده» میباشد.
این وزارت گفته است که 5 مکتب در ناحیهی اول، 11مکتب در ناحیهی دوم، 43 مکتب در ناحیهی سوم، 8 مکتب در ناحیهی چهارم، 14 مکتب در ناحیهی پنجم، 11 مکتب در ناحیهی ششم، 1 مکتب در ناحیهی هشتم، 2 مکتب در ناحیهی نهم، 64 مکتب در ناحیهی دهم، 10 مکتب در ناحیهی یازدهم، 35 مکتب در ناحیهی دوازدهم، 25 مکتب در ناحیهی سیزدهم، 6 مکتب در ناحیهی هفدهم، دست به چنین تخطیهایی زده اند.
این درحالی است که پیش از این وزارت معارف، فیصله کرده که مکاتب دولتی و خصوصی به دلیل نگرانی از شیوع موج دوم کرونا تعطیل میشوند و امتحان نهایی از دانشآموزان، در آغاز سال ۱۴۰۰ خورشیدی گرفته خواهد شد.
