سفیر اتحادیه‌ی اروپا در افغانستان، خواهان توافق سیاسی فوری میان محمداشرف غنی و عبدالله عبدالله شده است.
پیری مایدون، شنبه‌شب (۳۰ حمل)، در برگه‌ی تویترش نوشت که در دیدار با عبدالله عبدالله، در مورد مبارزه با ویروس کرونا، اختلاف‌های سیاسی، پروسه‌ی صلح و نشست ژنو، گفت‌وگو کرده است.
او افزوده است: «اتحادیه‌ی اروپا به این باور است که شرایط فعلی، نیازمند توافق فوری میان تمام نیروهای جمهوری‌خواه افغانستان است.»
این در حالی است که تلاش‌های فراوان از سوی شماری از چهره‌های سیاسی و دیپلمات‌های خارجی، برای حل اختلاف‌های سیاسی میان محمداشرف غنی و عبدالله عبدالله، تا کنون بی‌نتیجه بوده است.
