درس‌های حضوری صنف‌های اول تا دهم مکتب‌های دولتی سر از 12 میزان آغاز می‌شود

کابینه‌ی دولت افعانستان، اعلام کرده است که درس‌های حضوری صنف‌های اول تا دهم مکتب‌های دولتی، سر از هفته‌ی آینده آغاز می‌شود.

در اعلامیه‌ای که روز دوشنبه (7 میزان)، از سوی ارگ ریاست‌جمهوری منتشر شده، آمده است که بر اساس تقاضای وزارت‌های صحت و معارف، درس‌های حضوری صنف‌های باقی مانده سر از تاریخ 12 میزان سال‌ روان، آغاز می‌شود.

این درحالی است که بر اساس فیصله‌ی چندی پیش کابینه، درس‌های حضوری صنف‌های اول الی دوازدهم مکتب‌های خصوصی و صنف‌های یازدهم و دوازدهم مکتب‌های دولتی، در اول سنبله سال جاری آغاز شده بود.

مکتب‌های دولتی و خصوصی در افغانستان با شیوع ویروس کرونا در افغانستان، تعطیل شده بود.