مسؤولان در ولایت بادغیس، از حمله‌ی مهاجمان انتحاری به فرماندهی پولیس این ولایت خبر می‌دهند.
عبدالعزیز بیگ، رییس شورای ولایتی بادغیس، به روزنامه‌ی صبح کابل می‌گوید که چند لحظه پیش، دو مهاجم انتحاری خودشان را به نزدیکی فرماندهی پولیس این ولایت رسانده‌اند.
او می‌افزاید که در نتیجه‌ی شلیک این مهاجمان، چندین نیروی دولتی جان باخته‌اند.
به گفته‌ی او، هم‌اکنون درگیری میان نیروهای دولتی و مهاجمان، در چوک پوسته در شهر قلعه‌نو مرکز ولایت بادغیس جریان دارد.
در همین حال، یک منبع امنیتی به روزنامه‌ی صبح کابل می‌گوید که هدف مهاجمان انتحاری، فرماندهی پولیس بادغیس بوده است.
خبر در حال تکمیل شدن است…
