مسئولان محلی در ولایت غور، می‌گویند که عبدالرحمان عطشان، معاون شورای ولایتی این ولایت، در نتیجه‌ی انفجار ماین مقناطیسی جان باخته است.
عارف عابر، سخن‌گوی والی غور، می‌گوید که این رویداد، حوالی ساعت ۱۲:۳۰ چاشت روز سه‌شنبه (۲۵ قوس)، در نزدیک ساختمان شورای ولایتی این ولایت، در شهر فیروزکوه رخ داده است.
به گفته‌ی او، در این رویداد، عبدالرحیم رضازاده، عضو دیگر شورای ولایتی غور و راننده‌اش زخم برداشته اند.
تا اکنون مسئولیت این رویداد را هیچ گروهی به عهده نگرفته است.
