مقام‌های امنیتی در ولایت بدخشان، می‌گویند که ۲۰ نفر از نیروهای خیزش مردمی، در مربوطات ولسوالی خواهان این ولایت، به گروه طالبان پیوسته اند.
ثناالله روحانی، سخن‌گوی پولیس بدخشان، به روزنامه‌ی صبح کابل می‌گوید که از دو روز به این طرف، تروریستان طالب، بر پاسگاه‌های نیروهای خیزش مردمی در منطقه‌ی حوض ولسوالی خواهان، حملاتی را آغاز کردند.
به گفته‌ی او، بر اساس گزارش‌های ابتدایی، ۲۰ نفر از نیروهای خیزش مردمی به دلیل این که در محاصره قرار داشتند، به گروه طالبان پیوستند.
آقای روحانی، جزییات بیشتری در این باره، ارایه نکرد.
با این حال، ذبیح‌الله مجاهد، سخن‌گوی طالبان، در برگه‌ی تویترش نوشته است که ۵۱ سرباز پولیس و نیروهای خیزش مردمی، با تمام تجهیزات نظامی شان، در ولسوالی خواهان ولایت بدخشان، به این گروه پیوسته اند.
ولایت بدخشان، در شمال-شرق افغانستان موقعیت دارد و با چین و تاجیکستان هم‌مرز است. این ولایت، همه‌روزه شاهد فعالیت گروه‌های تروریستی است.
گفته می‌شود که جنگجویان تاجیکستانی، ازبیکستانی و چچنی، از خط مرزی تاجیکستان، وارد این ولایت می‌شوند و دست به اقدامات ترو
