مقامهای امنیتی در ولایت بدخشان، میگویند که در نتیجهی حملهی تروریستان طالب بر یک پاسگاه نیروهای امنیتی در این ولایت، سه سرباز پولیس جان باخته اند.
ثناالله روحانی، سخنگوی پولیس بدخشان، به روزنامهی صبح کابل میگوید که حملهی تروریستان طالب، حوالی ساعت 12:00 شب گذشته (سهشنبه، 22 میزان)، در مسیر شهر فیضآباد – ولسوالی بهارک، در روستای باغ مبارک، راهاندازی کرده بودند.
به گفتهی او، در نتیجهی درگیری، سه سرباز پولیس جان باخته اند و دو سرباز دیگر، زخم برداشته اند.
آقای روحانی، میگوید که در جریان درگیری، به تروریستان طالب نیز تلفاتی وارد شده، اما آمار دقیق آن مشخص نیست.
ولایت بدخشان، در شمال-شرق افغانستان موقعیت دارد و با چین و تاجیکستان هممرز است. این ولایت، همهروزه شاهد فعالیت گروههای تروریستی است.
گفته میشود که جنگجویان تاجیکستانی، ازبیکستانی و چچنی، از خط مرزی تاجیکستان، وارد این ولایت میشوند و دست به اقدامات تروریستی میزنند.
