مرکز ولایت سمنگان به دست طالبان سقوط کرد

منابع محلی در ولایت سمنگان، تأیید می‌کنند که شهر ایبک، مرکز این ولایت، به دست جنگ‌جویان طالب سقوط کرده است.

محمدهاشم سروری، عضو شورای ولایتی سمنگان، به روزنامه‌ی صبح کابل می‌گوید که شهر ایبک، پس از چاشت روز دوشنبه -18 اسد-، به دست جنگ‌جویان طالب سقوط کرده است.

محمد هاشم سروری، پیش از چاشت روز دوشنبه-18 اسد- به روزنامه‌ی صبح کابل گفته بود که پس از پیوستن محمدآصف عظیمی، سناتور پیشین همراه با افراد تحت امرش به گروه طالبان، حمله‌های طالبان بر شهر ایبک آغاز شده است.

ولایت سمنگان در شمال افغانستان، از ولایت‌های ناامن است.