رسانه‌های خارجی گزارش داده‌اند که در نتیجه‌ی شورش زندانیان، در زندانی در تاجیکستان، دست‌کم ۳۰ نفر جان باخته‌اند.
بی‌بی‌سی در گزارشی گفته است، شماری از زندانیانی که به اتهام افراط‌گرایی مذهبی و پیروی از عقاید گروه تروریستی داعش از سوی نهادهای عدلی و قضایی تاجیکستان، محکوم به زندان شده‌اند، شب گذشته (۲۹ ثور) با استفاده از چاقو و اشیاء تیز، سه زندان‌بان را به گروگان گرفتند و تلاش داشتند تا از زندانی در تاجیکستان فرار کنند.
این زندان، در شهر وحدت از مربوطات شهر دوشنبه پایتخت تاجیکستان موقعیت دارد و گفته می‌شود که افراط‌گرایان مذهبی در آن نگه‌داری می‌شوند.
گفته می‌شود که سه زندان‌بان نیز در جریان درگیری با زندانیان جان باخته‌اند. جزییات بیشتری در این مورد منتشر نشده است.
