رییسجمهور غنی، روز یکشنبه -13 سرطان- در تماس تلفنی با امامعلی رحمان، رییسجمهور تاجیکستان، در بارهی وضعیت افغانستان صحبت کرده است.
در این تماس تلفنی، دو طرف در بارهی شماری از شهروندان افغانستان که به دلیل ادامهی جنگ، از طریق مناطق مرزی به تاجیکستان پناه برده اند، صحبت کرده اند.
امامعلی رحمان، رییسجمهور تاجیکستان، وضعیت پیشآمده در افغانستان را نگرانکننده خوانده است.
از سویی هم، رییسجمهور غنی، با اشاره به حس بشردوستانهی تاجیکستان در برابر شهروندان افغانستان، گفته است: «دولت افغانستان در قبال شهروندانش مسؤول است و به زودترین فرصت، اقدامات لازم و فوری را برای رسیدگی به آنها انجام خواهد داد.»
این در حالی است که خبرگزاری خاور تاجیکستان، روز شنبه -12 سرطان- گزارش داد که بیشتر از ۳۰۰ تن از نیروهای امنیتی افغانستان، پس از درگیری با جنگجویان طالب در ولایت بدخشان، به تاجیکستان عقبنشینی کرده اند.
این در حالی است که گفته میشود چند روز پیش نیز، ۱۳۴ نفر از نیروهای امنیتی افغانستان، از طریق شیرخانبندر در ولایت کندز، وارد خاک تاجیکستان شدند.
این گزارشها، در حالی نشر شده که در چند هفتهی گذشته، همهروزه چندین ولسوالی در برخی از ولایتهای سمت شمال افغانستان، به دست جنگجویان طالب سقوط میکند.
به دنبال سقوط ولسوالیها، نیروهای مردمی در حمایت از نیروهای دفاعی و امنیتی، علیه طالبان بسیج شده اند و در حال حاضر، مشغول بازپسگیری مناطق ازدسترفته استند.
